રાજકોટ :
સમસ્ત પંચાસરા પરિવાર – રાજકોટ દ્વારા ડિસેમ્બર ૨૦૨૫માં પારિવારિક એકતા અને સૌહાર્દ વધારવાના ઉદ્દેશ્ય સાથે ભવ્ય સ્નેહમિલન કાર્યક્રમનું આયોજન કરવામાં આવ્યું છે. શ્રી વિશ્વકર્મા પ્રભુજી તથા શ્રી કનકાઈ ભવાની માતાજીની અસીમ કૃપાથી યોજાનાર આ સ્નેહમિલન સમારોહ ગુરુવાર તા. ૨૫ ડિસેમ્બર ૨૦૨૫ના રોજ સાંજે આયોજિત કરવામાં આવશે.
આ કાર્યક્રમ અંતર્ગત સાંજે ૬-૩૦ થી ૭-૩૦ કલાકે સ્નેહમિલન તથા ગરબાનું આયોજન રાખવામાં આવ્યું છે, જ્યારે ત્યારબાદ સાંજે ૭-૩૦ કલાકે ભોજન સમારંભ યોજાશે. કાર્યક્રમનું સ્થળ શ્રી વિશ્વકર્મા કેળવણી મંડળ, ૭/૧૦ ભક્તિનગર સ્ટેશન પ્લોટ, ગોંડલ રોડ, રાજકોટ રાખવામાં આવ્યું છે.
સમસ્ત પંચાસરા પરિવાર દ્વારા આ અવસરને પરિવારજનો માટે એકતા, સ્નેહ અને પરસ્પર મળાપાટીની ભાવનાને મજબૂત બનાવતો મહત્વનો પ્રસંગ ગણાવવામાં આવ્યો છે. આ પારિવારિક સ્નેહમિલન પ્રસંગે સમગ્ર પરિવારજનોને સહપરિવાર હાજર રહેવા ભાવભર્યું હાર્દિક નિમંત્રણ પાઠવવામાં આવ્યું છે.
આ કાર્યક્રમ દ્વારા પંચાસરા પરિવારના સભ્યો વચ્ચે પરિચય, સંવાદ અને સંસ્કૃતિને વધુ સશક્ત બનાવવાનો સંદેશ આપવામાં આવશે.
નિમંત્રક :
સમસ્ત પંચાસરા પરિવાર – રાજકોટ
