સુરત: ગેરકાયદે બાંધકામો પર તંત્રનું બુલડોઝર

કોસાડ આવાસના H-2 વિસ્તારમાં SMCનું મેગા ડિમોલિશન, ચુસ્ત પોલીસ બંદોબસ્ત વચ્ચે કાર્યવાહી

સુરત શહેરમાં સરકારી જમીન પર થયેલા ગેરકાયદે દબાણો અને બાંધકામો સામે તંત્ર દ્વારા કાર્યવાહી તેજ કરવામાં આવી છે. સુરત મહાનગરપાલિકા (SMC) દ્વારા કોસાડ આવાસના H-2 વિસ્તારમાં મેગા ડિમોલિશન હાથ ધરવામાં આવ્યું હતું. આ કાર્યવાહી દરમિયાન સરકારી જમીન પર થયેલા ગેરકાયદે દબાણોને JCB અને બુલડોઝરની મદદથી દૂર કરવામાં આવ્યા હતા. કોસાડ આવાસના H-2 વિસ્તારમાં લાંબા સમયથી થયેલા ગેરકાયદે બાંધકામો સામે તંત્ર દ્વારા કાર્યવાહી કરવામાં આવતા વિસ્તારમાં હલચલ જોવા મળી હતી. SMCની ટીમ દ્વારા સ્થળ પર પહોંચીને ગેરકાયદે દબાણો દૂર કરવાની કામગીરી શરૂ કરવામાં આવી હતી. ભારે મશીનરીની મદદથી બાંધકામો તોડી સરકારી જમીનને દબાણમુક્ત કરવાની કામગીરી હાથ ધરાઈ હતી. કાર્યવાહી દરમિયાન કોઈ અનિચ્છનીય બનાવ ન બને તે માટે પોલીસ તંત્ર દ્વારા પણ ચુસ્ત બંદોબસ્ત ગોઠવવામાં આવ્યો હતો. DCP લખધીરસિંહ ઝાલાની દેખરેખ હેઠળ પોલીસની ટીમો સ્થળ પર તૈનાત રહી હતી. સુરક્ષા વ્યવસ્થા વચ્ચે SMCની ટીમે ડિમોલિશનની કામગીરી આગળ ધપાવી હતી. તંત્રની આ કાર્યવાહીને પગલે સરકારી જમીન પર ગેરકાયદે દબાણ કરનારાઓમાં ફફડાટ ફેલાયો હતો. શહેરમાં જાહેર અને સરકારી જમીનો પર થયેલા ગેરકાયદે બાંધકામો સામે આગામી દિવસોમાં પણ કાર્યવાહી ચાલુ રહે તેવી શક્યતા છે. તંત્ર દ્વારા દબાણમુક્તિ અભિયાનના ભાગરૂપે નિયમોનું ઉલ્લંઘન કરનારા બાંધકામો સામે કડક પગલાં લેવામાં આવી રહ્યા છે.

સોર્સ : https://x.com/BenefitNews24/status/2098338905506349131