આ મહાપદયાત્રાનો મુખ્ય ઉદ્દેશ વિશ્વકર્મા સમાજમાં એકતા, આત્મગૌરવ, સામાજિક ન્યાય અને સાંસ્કૃતિક વારસાના સંરક્ષણ સાથે સમાજના આર્થિક, સામાજિક અને રાજકીય અધિકારો અંગે જાગૃતિ લાવવાનો છે. યાત્રા દરમિયાન સમાજના વિવિધ વર્ગોને એક મંચ પર લાવી સંગઠિત કરવાની દિશામાં પ્રયાસ કરવામાં આવશે.
આ યાત્રા રાષ્ટ્રીય રાજમાર્ગ NH-44ના માર્ગે હૈદરાબાદથી નવી દિલ્હી સુધી અંદાજે 1700 કિલોમીટરનું અંતર કાપશે. આયોજન મુજબ યાત્રાનો પ્રારંભ 17 સપ્ટેમ્બર 2026થી થશે અને 29 નવેમ્બર 2026ના રોજ નવી દિલ્હીના જંતર-મંતર ખાતે સમાપન સભાનું આયોજન કરવામાં આવશે.
કાર્યક્રમ દરમિયાન ઉપસ્થિત આગેવાનોએ જણાવ્યું હતું કે વિશ્વકર્મા સમાજની એકતા, સામાજિક સશક્તિકરણ, આર્થિક સ્વાવલંબન, રાજકીય ભાગીદારી અને સમાજના અધિકારો અંગે જનજાગૃતિ માટે આ યાત્રા મહત્વપૂર્ણ બની રહેશે. સાથે જ સમાજના યુવાનો, દાતાઓ, સમાજસેવકો અને શુભેચ્છકોને યાત્રામાં સહભાગી થવા અપીલ કરવામાં આવી હતી.
પોસ્ટર વિમોચન કાર્યક્રમમાં બ્રહ્મશ્રી પુલીગેલ્લા શ્રીનિવાસ ચારી, મહેશ ચારી, ચેન્નોજુ વેંકટેશ ચારી, મલ્લાચારી સહિત અન્ય આગેવાનો અને સમાજના સભ્યો ઉપસ્થિત રહ્યા હતા.
“વિશ્વકર્માઓની એકતા જ ઉજ્જવળ ભવિષ્યની શક્તિ છે”ના સંદેશ સાથે આયોજિત આ મહાપદયાત્રા વિશ્વકર્મા સમાજને એકજૂથ કરવાની દિશામાં મહત્વપૂર્ણ પહેલ બની રહે તેવી આશા વ્યક્ત કરવામાં આવી હતી.
0 ટિપ્પણીઓ
તમે અમને ફેસબુક ઉપર ફોલો કરી શકો છો